Ber í borginni

Abstract

Verkefnið Ber í borginni, sem miðaði að því að nota íslenskar villijarðarberjaplöntur (Fragaria vesca) sem þekjuplöntu í beðum, hófst árið 2013 þegar styrkur fékkst úr Nýsköpunarsjóði námsmanna. Rannsóknir á villijarðarberjum hófust við Landbúnaðarháskóla Íslands snemma árið 2012 þegar hafist var handa við að safna villijarðarplöntum umhverfis landið til rannsókna á erfðafjölbreytileika þeirra innan íslenska stofnsins. Með Nýsköpunarsjóðsstyrknum hlaust einnig fé til þess að þróa og prófa tvær leiðir til fjölgunar á íslenskum villijarðarberjum. Niðurstöður fyrsta ársins voru gefnar út í lokaskýrslu til Nýsköpunarsjóðs námsmanna haustið 2013, en endanlegt mat á endingu plantnanna fór fram haustið 2016 og eru þær niðurstöður birtar hér.