Tilraunir með yrki af grösum og smára árin 2012-2018

Abstract

Yrkjatilraunir með túngrös eiga sér langa sögu hér á landi. Það er mikilvægt að sá bestu fáanlegum yrkjum á hverjum tíma. Það er grundvallaratriði að yrkin þoli vel íslenska veðráttu og jafnframt slátt, beit og aðra meðferð sem tún þurfa að sæta. Fóðurgildi skiptir einnig miklu máli. Ekki þarf allt gróffóður að henta kúm í hárri nyt og því er rúm fyrir aðrar tegundir en þær sem gefa hæst fóðurgildi. Einnig er mikilvægt að yrkin gefi mikla uppskeru bæði í fyrri slætti og endurvexti. Í þessari skýrslu er greint frá tilraunum sem sáð var til árin 2012 og 2014. Tilraunirnar frá 2012 fóru illa fyrsta veturinn, bæði á Möðruvöllum og Korpu og skiluðu því takmörkuðum niðurstöðum.