Stormsker : fólkið sem fangaði vindinn

Abstract

„Þetta kvöld hurfu eldhúshnífar og garðklippur og flugbeittar sagir með dularfullum hætti úr skúffum, geymslum og bílskúrum um alla eyjuna. Verkfærin hurfu líkt og hendi væri veifað, svo hljóðlega að enginn tók eftir því. Það voru vitanlega börnin sem höfðu hnuplað þeim og geymt undir sænginni þegar þau lögðust til svefns.“ Ópus er bara venjulegur drengur en dag nokkurn fær hann skilaboð frá sjálfum vindinum. Á sama tíma er ríkasti maður í heimi sestur að á eyjunni hans Ópusar og byrjaður að reisa risastór siglutré í þúsundatali. Máttug öfl eru leyst úr læðingi og innan skamms er framtíð plánetunnar í húfi. Vinirnir Ópus og Fífa þurfa að leggja allt í sölurnar til að frelsa vindinn. Stormsker – fólkið sem fangaði vindinn eftir Birki Blæ Ingólfsson hlýtur Íslensku barnabókaverðlaunin 2018. Hörkuspennandi fantasía fyrir stálpaða krakka.