Nærbuxnaverksmiðjan

Abstract

Í Brókarenda snýst lífið um nærbuxur. Nærbuxnaverksmiðjan hefur gnæft yfir hverfið svo lengi sem elstu börn muna og þess vegna fer allt á hliðina daginn sem henni er lokað. Gutti og Ólína eru engir vinir. Samt fara þau saman á stúfana þennan örlagaríka dag – Gutti til að komast að því hvað orðið hefur um ömmu hans en Ólína vegna þess að hún stenst aldrei það sem er hættulegt og bannað. Arndís Þórarinsdóttir hefur áður sent frá sér bókina Játningar mjólkurfernuskálds, smásögur fyrir börn og fullorðna og lestrarbækur fyrir grunnskóla. Sigmundur Breiðfjörð Þorgeirsson myndskreytti. Nærbuxnaverksmiðjan á eftir að fá krakka til að hlæja svo mikið að fullorðna fólkið getur ekki annað en lesið bókina líka!