|
Útdráttur:
|
„Ekki óraði mig fyrir því að sú hógværa ákvörðun að leggja stund á framhaldsnám í norrænum fræðum við Hafnarháskóla um miðjan sjötta áratuginn ætti eftir að leiða mig í önnur eins ævintýri ... Ég hafði satt að segja átt kyrrláta og rólega ævi þar til ég hitti prófessorinn ...“ Valdemar, ungur og bláeygur íslenskufræðingur, heldur til náms í Danmörku og finnur þar fyrir landa sinn, gamlan prófessor, sem er heillum horfinn enda býr hann yfir skelfilegu leyndarmáli sem tengist ævafornri höfuðgersemi íslensku þjóðarinnar – Konungsbók Eddukvæða. Leyndarmálið leiðir prófessorinn og lærisvein hans í mikla háskaför um þvera Evrópu – inn í skjalasöfn og grafhýsi, fornbókasölur og fátækrahverfi – þar sem mannslíf eru léttvæg fundin. Þetta er mögnuð og spennandi saga um hverju má fórna – og hverju verður að fórna – fyrir dýrustu gersemar kynslóðanna. Konungsbók er tíunda skáldsaga Arnaldar Indriðasonar, en hróður hans berst nú vítt um heim og hafa bækur hans selst í milljónum eintaka. Arnaldur hefur hlotið fjölda viðurkenninga fyrir bækur sínar, þar á meðal Gullrýtinginn, virtustu glæpasagnaverðlaun heims, árið 2005. |
