Dauðarósir

Abstract

Lík ungrar stúlku finnst á leiði Jóns Sigurðssonar skömmu eftir hátíðahöldin 17. júní. Enginn veit hver hún er, hvaðan hún kom eða hvers vegna hún var myrt. Og því síður af hverju hún var lögð á leiði sjálfstæðishetju Íslendinga. Við rannsókn Erlendar og félaga hans í lögreglunni kemur í ljós að dauði stúlkunnar er angi af miklu stærra máli sem snertir alla þjóðina og gæti áður en yfir lýkur valdið einhverjum mestu þjóðfélagsbreytingum sem orðið hafa í Íslandssögunni. Þegar Dauðarósir kom fyrst út var Arnaldur Indriðason lítt þekktur höfundur enda hafði hann aðeins skrifað eina bók áður. Síðan hefur hann sent frá sér hverja spennusöguna af annarri við mikla hylli og hefur árum saman verið langvinsælasti höfundur landsins. Bækur Arnaldar hafa nú verið gefnar út í tugum landa og seld eintök nema milljónum. Enginn íslenskur höfundur hefur áður náð viðlíka útbreiðslu. Jafnframt hefur Arnaldur hlotið fjölda viðurkenninga fyrir sögur sínar, meðal annars norrænu glæpasagnaverðlaunin Glerlykilinn 2002 og 2003 og breska Gullrýtinginn 2005.