Þín eigin hrollvekja

Abstract

Þín eigin hrollvekja er þriðja bókin í Þín eigin-bókaflokknum sem hefur hlotið bæði Bókaverðlaun barnanna og Bóksalaverðlaunin. Þín eigin hrollvekja er öðruvísi en aðrar bækur því hér ert þú söguhetjan og ræður ferðinni. Sögusviðið er dimmt og drungalegt kvöld, stútfullt af skrímslum og óvættum. Þú getur rekist á vampírur og varúlfa, uppvakninga og illa anda, brjálaðar brúður og tryllta trúða – allt eftir því hvað þú velur. Yfir fjörutíu ólíkir endar. Sögulok spanna allt frá eilífri hamingju til skyndilegs bana. Hryllilega góð skemmtun fyrir alla krakka. Ævar Þór hefur sent frá sér fjölmargar vinsælar barnabækur og staðið fyrir gríðarvel heppnuðum lestrarátökum fyrir grunnskólabörn. Nýjasta bók hans, Vélmennaárásin, var vinsælasta barnabók sumarsins 2016. Kápumynd gerði listamaðurinn Evana Kisa.