Hús úr húsi

Abstract

„Allt mitt líf hefur verið fagurt.“ Þessi orð láta undarlega í eyrum Kolfinnu sem er nýflutt heim til mömmu eftir lánlausa sambúð og fær ekkert skárra að gera en að leysa ólétta vinkonu sína af við þrif hjá misjafnlega hreinlátu fólki í Þingholtunum. Það er óneitanlega ísmeygilegt starf að fara hús úr húsi og nostra við persónulega muni náungans. Enda vaknar húshjálpin smám saman til lífsins og dregst inn í stórfurðulega atburðarrás. Þannig kynnist hún óperusöngkonu, fræðimanni og lögmanni, að ógleymdri hinni öldnu Listalín sem lumar á uppskrift að fögur lífi. Þetta er listilega fléttuð og spennandi skáldsaga um uppreisn gegn hversdagsleikanum og hina endalausu leit að ást og lífshamingju. Áhrifamátt sinn á hún ekki síst undir snjöllum umhverfis- og mannlýsingum. Hús úr húsi er önnur skáldsaga Kristínar Marju.