Hamingjan hjálpi mér I og II

Abstract

Varla geta þær kallast hversdagslegar þótt þær fjalli um hversdagsleikann, þessar tvær nýju sögur um náin tengsl mannfólksins. Ísskápurinn, sjónvarpið, rúmið og eldhúsborðið gegna mikilvægum dramatískum hlutverkum, en aðrir leikendur eru þau Albert, Júlía, Elísabet, Jóhann, Marteinn og Rósa. Sögurnar um þau eru eins konar tvíburasystur, alvörugefnar, fremur hryssingslegar í viðmóti og ekki allra. Hér er íslenskur hversdagsleiki tekinn fyrir og tekinn með valdi á þann meistaralega hátt sem Kristínu Ómarsdóttur er einni lagið.