Könnun meðal starfsfólks annarra en leikskólakennara

Abstract

Í þessari skýrslu er greint frá niðurstöðum könnunar sem lögð var fyrir starfsfólk leikskóla sem ekki er með leikskólakennaramenntun. Um var að ræða vefkönnun sem gerð var á landsvísu. Menntavísindastofnun Menntavísindasviðs Háskóla Íslands leiddi framkvæmd könnunar í samstarfi við sérfræðinga á sviði leikskólamála, Félag leikskólakennara, Félags stjórnenda leikskóla og Mennta- og menningarmálaráðuneyti. Tilgangurinn með framkvæmd könnunar var að afla upplýsinga um áhuga, þekkingu og aðstæður til leikskólakennaranáms. Markmiðið er að nýta niðurstöðurnar við mótun kynningarátaks til að fjölga menntuðum leikskólakennurum og að hafa áhrif á fyrirkomulag námsins.