Efstu dagar : skáldsaga

Abstract

Í skáldsögu þessari lýsir Pétur Gunnarsson reykvískri fjölskyldu og fylgir henni um hálfrar aldar skeið. Brugðið er upp svipmyndum úr ættinni, enda tími 8mm kvikmyndavélanna genginn í garð. Aðalpersóna sögunnar er barnastjarnan Símon Flóki Nikulásarson sem hleypir heimdraganum og kynnist Kristi sínum óvart á markaðstorgi háskólaanddyrisins á þeim tíma þegar ungir menn vildu hvað helst líkjast honum í útliti. Í Kaupmannahöfn staðfestist trúin og í Reykjavík bíður prestsskapur í úthverfasöfnuði. Eiginkonan, Vera, deilir lífinu með honum, en tekur þó myndlistina fram yfir hlutverk prestsmaddömmunnar. Sagan sver sig í ætt við fyrri verk höfundar. Frásagnargleði, snjallar mannlýsingar, leikur að orðum, fágun í stíl, hlýja og kímni eru í fyrirrúmi og söguþráðurinn titrar ævinlega á mörkum gleði og alvöru.