|
Útdráttur:
|
Vetrarferðin er þriðji hluti þríleiksins sem hófst með Tröllakirkju og hélt áfram með Blóðakri, en þessar þrjár sjálfstæðu skáldsögur fjalla á tengdan hátt um líf Íslendinga á tuttugustu öld. Sagan gerist í Reykjavík á heimsstyrjaldarárunum síðari og hér er ofinn margslunginn vefur um mikilvæga þræði mannlegrar tilveru, heilindi, ábyrgð og tryggð. Ótal persónur koma við sögu, svo sem veitingakonan Sigrún sem hefur einsett sér að auðgast, hvað sem það kostar, og nautnaseggurinn Kristján sem lætur stjórnast af hömlulausum hvötum sínum. Þetta er kynngimögnuð frásögn, spennandi, hröð og dramatísk, hlaðin þeim sérkennilega ofsa og krafti sem jafnan einkennir verk Ólafs Gunnarssonar. |
