Undir yfirborðinu

Abstract

Undir yfirborðinu er spennandi bók, sem hrífur lesandann með sér frá fyrstu síðu. Bókin fjallar um þann rétt hvers manns, að vita hverjir foreldrar hans eru og hefst á því að barni Suzanne Cullen er rænt úr barnavagni og það hverfur sporlaust. Suzanne hefur aldrei komist yfir þetta skelfilega áfall. Sagan er spennandi og grípandi, lýsingar eru lifandi og myndrænar og persónulýsingar svo góðar að lesandinn kannast við þetta fólk. Styrkur Noru Roberts liggur einnig í afskaplega sterkum og skemmtilegum kvenlýsingum. Mikið er um rómantík í Undir yfirborðinu, en áherslan er á spennuna og sakamálin og lausn þeirra. Stíll hinnar vinsælu Noru einkennist af ferskum, nútímalegum blæ, enda er Nora Roberts fastagestur á metsölulistum um allan heim. Hún hefur unnið til fjölda verðlauna fyrir verk sín og á sér stóran og tryggan lesendahóp. Þetta er spennandi frásögn og grípandi söguþráður, frá liprum og snjöllum höfundi.