Margrét

Abstract

Þótt líf mitt sé öðruvísi en annarra, er það alveg jafn raunverulegt. Það er það líf sem fyrir mér lá. Í Margréti segir Danadrottning opinskátt frá lífi sínu og Danmerkur á miklum umbrotatímum. Þetta eru endurminningar sem ná yfi r rúmlega hálfa öld, persónuleg frásögn um hamingjusama bernsku, leitandi æskuár, ást og erfiðleika, hjónaband, börn, tengdabörn og barnabörn. Um frændgarð og konungsríki. Og um trúna og listina, sem gefa lífi nu tilgang. Líf Margrétar drottningar hefur verið einstakt. Hún er fædd á örlagastund Danmerkur árið 1940. Kosin ríkisarfi þegar hún var 13 ára. Útnefnd drottning árið 1972 og fyrsta konan sem er þjóðhöfðingi í Danmörku síðan 1412. Líf þjóðhöfðingjans og listamannsins Margrétar drottningar hefur verið viðburðaríkt. Í Margréti talar drottningin um líf sitt af innsæi og eldmóði; hlutverk sitt, ábyrgð sína og staðsetningu sjálfrar sín og annarra í Danmerkursögunni, en stjórnartíð Margrétar annarrar er þegar orðin sú lengsta í sögu landsins. Bókin er byggð á samtölum Margrétar drottningar og Annelise Bistrup, blaðamanns og rithöfundar.