Skýjahnoðrar

Abstract

Skýjahnoðrar eru litlar góðlyndar verur sem færa börnum drauma á næturnar. Einn góðan veðurdag reisa menn verksmiðju sem blæs mengun út í andrúmsloftið. Uppi í svörtu mengunarskýinu situr fastur skýjahnoðri. Sótsvartur af útblæstri er hnoðrinn óttalega dapur og gramur í geði, hóstandi og hnerrandi. Í stað þess að færa börnum fagra drauma, fara þau að fá martraðir... Bókinni Skýjahnoðrar er ætlað að fá börn til að huga að umhverfi sínu. Draumar barna eru heimfærðir á það hvernig við getum vænst þess að framtíðin okkar verði.