|
Útdráttur:
|
Í skýrslunni er gerð grein fyrir jarðhitanotkun til raforkuvinnslu og beinna nota frá 1990 til 2009. Stiklað er á stóru í sögu notkunar. Innlend og alþjóðleg flokkunarkerfi jarðhitanotkunar eru kynnt og borin saman. Aðferðarfræði við mat á jarðhitanotkun ólíkra notkunarflokka er kynnt og henni beitt við mat á notkun ársins 2008. Bakgrunnsupplýsingar um tilhögun nýtingar eru settar fram þar sem við á. Gerð er grein fyrir niðurstöðum og bent á mögulegar úrbætur í matsferðum. Dreifing jarðhitanotkunar á landinu og orkuflæði jarðhita árið 2008 eru sýnd á myndrænan hátt. Bein notkun jarðhita árið 2008 nam 25,1 PJ. Þar af fóru 18,8 PJ til húsnota, 1,7 PJ til snjóbræðslu, 1,7 PJ til fiskeldis, 1,4 PJ til sundlauga, 0,8 PJ til iðnaðar og 0,7 PJ til ylræktar. Raforkuvinnsla nam 4.038 GWh (14,5 PJ). Jarðhitanotkun fyrir 2009 er svo áætluð. |
