Saga þernunnar

Abstract

Sögusviðið er hið kristilega bókstafstrúarríki Gíleað, landfræðilega staðsett þar sem nú eru Bandaríkin. Gíleað er einræðisríki, stjórnað af hvítum karlmönnum. Hlutverk kvenna er að þjóna karlmönnunum og eru þær flokkaðar eftir því sem þær þykja nýtast best. Skelfileg framtíðarsýn ársins 1985 er óhugnanlega nálægt raunveruleika dagsins í dag, rúmum 30 árum síðar. Höfundur segir sjálfur að ekkert í bókinni sé skáldskapur, allt hafi þetta gerst einhvers staðar í heiminum á einhverjum tíma. Margaret Atwood er kanadískur rithöfundur, ljóðskáld, gagnrýnandi og femínisti sem hefur hlotið margvísleg verðlaun fyrir skrif sín. Bókin hefur verið mikið í umræðunni í kjölfar kosningar Donalds Trumps sem forseta Bandaríkjanna. Bókin situr á flestum listum yfir þær bækur sem „allir eiga að lesa“ um ævina og margir vísa í hana sem þá bók sem hafði mest áhrif á lesandann. Saga þernunnar eftir Margaret Atwood á jafnvel meira erindi við lesendur dagsing í dag en þegar hún kom út fyrir rúmum 30 árum.