Alltaf sama sagan

Abstract

Smásagnasafnið Alltaf sama sagan eftir Þórarin Eldjárn kom út sama dag og höfundurinn fagnaði sextugsafmæli sínu, 22. ágúst 2009. Þórarinn er einn af dáðustu rithöfundum þjóðarinnar og margverðlaunaður. Hann er meðal okkar virtustu skálda og hefur glímt við allar greinar bókmenntanna, gefið út ótal barnabækur, skrifað smásögur, skáldsögur, ljóð og leikverk, og auk þess fengist við handritaskrif og þýðingar. Alltaf sama sagan geymir ellefu sögur um fólk og margvíslegar furður í fortíð, nútíð og framtíð. Skáldmæltur hundur kemur við sögu, eldforn Saab-bifreið, dularfullur kauði og glataður hamar; bylting verður í íþróttalífi landsmanna, sagt er af draugagangi og mannraunum og eins er spurt: Hvað ef …? Þórarinn Eldjárn er sannur meistari smásmugunnar og leikur sér hér með persónur, hugmyndir, orð og ekki síst sjálfa lesendurna: Eða hvað er maðurinn að pæla - er þetta kannski alltaf sama sagan?