Ævintýraferð fakírsins sem festist inni í IKEA-skáp

Abstract

Dag einn leggur indverski fakírinn Ajatashatru Kýrskýr Patel upp í langferð frá heimalandi sínu til Parísar með falsaðan hundrað evru seðil í farteskinu. Markmið hans er að kaupa forláta naglarúm á tilboði í IKEA og selja það hæstbjóðanda þegar heim er komið. Röð tilviljana verður til þess að fakírinn lendir í ævintýralegri Evrópureisu þar sem hann eignast undarlegustu vini á ólíklegustu stöðum. Hér er á ferðinni fjörug og bráðfyndin saga af ferðalagi sem á engan sinn líka en um leið er tekið á sammannlegum viðfangsefnum eins og leitinni að ást, viðurkenningu og betra lífi í viðsjárverðum heimi.