Rótlaus

Abstract

Clemency Smittson var ættleidd í bernsku og eina vísbendingin sem hún hefur um blóðmóður sína er pappakassi, fagurlega skreyttur fiðrildum. Á fullorðinsárum ákveður Clemency að söðla um og flytja til Brighton þar sem hún fæddist. Þar kynnist hún óvænt konu sem reynist vita sitthvað um fiðrildakassann. Smám saman afhjúpast leyndardómurinn um bernsku hennar og ættleiðingu en jafnframt eiga sér stað voveiflegir atburðir sem fá Clemency til að velta því fyrir sér hvort það gæti hreinlega orðið henni of dýrkeypt að leita uppruna síns. Rótlaus er grípandi saga um leyndarmál og leit að fortíð, saga sem fjallar ekki síst um óvissuna sem oft fylgir ættleiddum einstaklingum eins og skugginn.