Andartak eilífðar

Abstract

Paul Kalanithi var aðeins þrjátíu og sex ára og að ljúka námi í taugaskurðlækningum þegar hann greindist með fjórða stigs lungnakrabbamein. Hann var farsæll læknir sem glímdi við banvæna sjúkdóma hjá skjólstæðingum sínum en var svo allt í einu settur í stöðu þeirra sjálfur. Hvað gerir lífið þess virði að lifa því? Hvað gerir maður þegar fótunum er kippt undan tilverunni? Þessar og fleiri spurningar glímdi Kalanithi við í dauðastríði sínu og miðlar með einstökum hætti í þessari áhrifaríku bók. Andartak eilífðar er ógleymanlegur vitnisburður um lífslöngunina andspænis dauðanum, og einlæg frásögn um samskipti læknis og skjólstæðings eftir mann sem var hvort tveggja.