Stjórntæki peningamála og skilvirkni peningamarkaðarins

Abstract

Á undanförnum árum hafa tengsl stýrivaxta Seðlabankans við skammtímavexti á peningamarkaði verið mun veikari en víða annars staðar. Í þessari grein er leitast við að skilja orsakir þessa og hvað Seðlabankinn getur gert til þess að minnka frávik skammtímavaxta frá stýrivöxtum bankans. Fjallað er um framkvæmd peningamála erlendis og sérstök áhersla lögð á áhrif rafrænna greiðslukerfa sem tekin hafa verið í gagnið víða erlendis á undanförnum árum. Settar eru fram tillögur um breytingar á framkvæmd peningamálastefnunnar og aðgerðir til þess að auka skilvirkni fjármálakerfisins.