Skipan peningamála í Ástralíu og á Nýja-Sjálandi

Abstract

Ástralía og Nýja-Sjáland voru á meðal fyrstu ríkja til þess að taka upp verðbólgumarkmið í sinni nútímalegu mynd. Í þessari grein er fjallað um þróun peningamálastefnu þessara landa á síðustu áratugum. Fjallað er um óstöðugleikann sem einkenndi efnahagslíf landanna á 8. og 9. áratugnum og hvernig verðbólgumarkmið var mikilvægur þáttur í því að ráða niðurlögum hans. Löndin fóru mismunandi leiðir og lögðu áherslu á mismunandi atriði. Þannig lögðu Nýsjálendingar höfuðáherslu á trúverðugleika á meðan Ástralíumenn lögðu meira upp úr því að skerða ekki sveigjanleika peningamálastefnunnar. Í ljós hefur komið að báðar þessar leiðir hafa sína kosti og galla.