Forsetinn er horfinn

Abstract

Þegar fyrsti kvenforseti Bandaríkjanna kemur í heimsókn til Noregs hefst undarleg atburðarás. Forsetinn hverfur og svo virðist sem heimsveldi Bandaríkjamanna sé ógnað og jafnframt konungdæmi Noregs á sjálfan þjóðhátíðardaginn. Flokkur lögreglumanna kemur frá Bandaríkjunum til að rannsaka málið ásamt norskum starfsbræðrum sínum en þá vakna ýmsar spurningar um umsjón og yfirráðasvæði. Yngvar Stubø tekur þátt í rannsókninni sem sérstakur aðstoðarmaður Bandaríkjamanna en að þessu sinni er aðkoma Inger Johanne að málinu óhefðbundin. Málin taka sífellt óvænta stefnu og þræðirnir liggja víða, ýmis fjölskyldu- og ástamál koma við sögu auk þess sem hriktir í pólitískum stoðum víða um heim. Forsetinn er horfinn er sjálfstætt framhald bókanna Það sem aldrei gerist og Það sem mér ber.