Sumar án karlmanna

Abstract

Þegar Boris fer frá Míu eftir þrjátíu ára hjónaband missir hún vitið – þó aðeins tímabundið. Þegar hún kemur aftur til sjálfrar sín ákveður hún að jafna sig sumarlangt á æskuslóðum. Í fyrstu er hún upptekin af eigin eymd en smám saman fer fólkið í bænum að vekja áhuga: öldruð móðir hennar og vinkonurnar á elliheimilinu, táningsstelpurnar sem hafa skráð sig á bókmenntanámskeið hjá henni, unga móðirin í næsta húsi … Tengsl fólks og togstreita, dulin og opinská átök, leyndir draumar og sagðar og ósagðar sögur, allt verður það Míu að efnivið í endurskoðun á lífinu og verðmætum þess.