Sjálfstætt fólk

Abstract

Sjálfstætt fólk er jafnan talin helsta bók Halldórs Laxness og oft nefnd sem ein af 100 bestu skáldsögum 20. aldar.

Saga Bjarts í Sumarhúsum og baráttu hans við Rauðsmýringaveldið, sína eigin fjölskyldu og sjálfar höfuðskepnurnar fann strax sterkan samhljóm í íslenskri þjóðarsál. Hún er borin uppi af stórkostlegum persónulýsingum sem eru með þeim minnisstæðustu úr smiðju Halldórs; eiginkonan Rósa, Rauðsmýrarmaddaman, drengurinn Nonni, Ásta Sóllilja - en ekki síst hinn stórbrotni Bjartur sem löngu er orðinn táknmynd í daglegu lífi Íslendinga.