Fórnargjöf Móloks

Abstract

Í skóglendi í grennd við Kiruna er björn felldur vegna þess að hann hefur drepið hund. En í maga bjarnarins finnst fleira: handarbein úr manni! Nokkru síðar er kona stungin til bana á heimili sínu og í ljós kemur að ýmsir ættingjar hennar hafa látist á voveiflegan hátt. Sá eini sem eftir lifir er sjö ára gamall sonarsonur hennar. Rebecka Martinsson stýrir morðrannsókninni en þegar henni er vísað frá málinu reynir hún upp á sitt eindæmi að finna vísbendingu um tengsl milli þessara grunsamlegu atburða … áður en fleiri falla í valinn. Fórnargjöf Móloks er fimmta bókin um lögfræðinginn Rebecku Martinsson sem enn starfar á heimaslóðum sínum í Kiruna í stað þess að stefna að glæstum starfsframa í Stokkhólmi. Åsa Larsson hlaut sænsku glæpasagnaverðlaunin fyrir þessa bók. Áður eru komnar út á íslensku bækurnar Sólgos, Blóðnætur, Myrkraslóð og Dauðadjúp.