#

Byggðarlög í sókn og vörn : Vestfirðir

Skoða fulla færslu

Titill: Byggðarlög í sókn og vörn : VestfirðirByggðarlög í sókn og vörn : Vestfirðir
Höfundur: Halldór V. Kristjánsson 1946 ; Sigríður Kristín Þorgrímsdóttir 1956
URI: http://hdl.handle.net/10802/3279
Útgefandi: Byggðastofnun
Útgáfa: 08.2004
Efnisorð: Byggðastefna; Vestfirðir; Byggðaþróun
Tungumál: Íslenska
Tegund: Skýrsla
Athugasemdir: Hér verður fjallað um 13 þéttbýlisstaði í átta sveitarfélögum á Vestfjörðum. Sveitarfélögin eru Kaldrananeshreppur, Hólmavíkurhreppur, Reykhólahreppur, Súðavíkurhreppur, Ísafjarðarbær, Bolungarvíkurkaupstaður, Tálknafjarðarhreppur og Vesturbyggð. Þéttbýlisstaðirnir sem hér er rætt um eru Drangsnes, Hólmavík, Reykhólar, Súðavík, Ísafjörður, Hnífsdalur, Þing-eyri, Flateyri, Suðureyri, Bolungarvík, Tálknafjörður, Bíldudalur og Patreks-fjörður. Byggt er á viðtölum við sveitarstjóra þessara sveitarfélaga og niðurstöðum úr spurningakönnun sem þeir svöruðu. Viðmælendur voru eftirtaldir: Jenný Jensdóttir sveitarstjóri Kaldrananes-hrepps, Ásdís Leifsdóttir sveitarstjóri Hólmavíkurhrepps, Einar Thorlacius sveitarstjóri Reykhólahrepps, Ómar Már Jónsson sveitarstjóri Súðavíkur-hrepps, Halldór Halldórsson bæjar-stjóri Ísafjarðarbæjar, Einar Pétursson bæjarstjóri Bolungarvíkurkaupstaðar, Ólafur Magnús Birgisson sveitarstjóri Tálknafjarðarhrepps og Brynjólfur Gíslason sveitarstjóri Vesturbyggðar. Íbúum á Vestfjörðum hefur fækkað stöðugt frá árinu 1991, þeir voru 9.662 árið 1991 en 7.835 árið 2003, eða 18,9% færri. Á sama tíma fjölgar íbúum á Íslandi úr 259.581 í 290.490 eða um 11,9%. Aldursdreifing íbúa árið 2003 sýnir að yngsti aldurs-hópurinn, þ.e. íbúar á aldrinum 0-4 ára er nokkuð undir landsmeðaltali. Í aldurshópnum 25-39 ára vantar einnig á miðað við landsmeðaltal, en þessi aldurshópur virðist safnast saman á höfuðborgarsvæðinu. Á Vestfjörðum fækkaði störfum um 8,6% á tímabilinu frá 1998 til 2003 þegar þeim fjölgaði á landsvísu á sama tíma um 7%. Störfum í frum-vinnslugreinum á Vestfjörðum hefur fækkað um 33,6% frá árinu 1998 til loka ársins 2003, miðað við 13,2% fækkun á landsvísu á sama tímabili. Störfum í þjónustugreinum á Vestfjörðum hefur ekki fjölgað að sama skapi hlutfallslega og lands-meðaltal á tímabilinu. Störfum í opinberri stjórnsýslu hefur fjölgað á Vestfjörðum á tímabilinu um 18,6% þegar þeim hefur fjölgað á landsvísu um 6,7% á sama tímabili. Birtar eru tölulegar upplýsingar um efnahags- og rekstrarstöðu sveitar-félaga miðað við fjölda íbúa, meðal tekju- og fjárhagsstöðu íbúa ásamt stöðu atvinnulífs, fjölda starfa, fiskvinnslu og afla á Vestfjörðum. Þessar upplýsingar taka til landshlutans í heild en ekki til einstakra sveitarfélaga. Í SVÓT-greiningunni er hins vegar fjallað um einstaka þéttbýlisstaði og sveitarfélög. Niður-staða úr könnun sem gerð var á netinu á eingöngu við um það bæjar- eða sveitarfélag sem viðkomandi bæjar- eða sveitarstjóri starfar fyrir. Því eru tölulegu upplýsingarnar og greiningin ekki byggðar á sama grunni. Hafa ber einnig í huga að erfitt er að alhæfa um landshlutann í heild vegna mismunandi aðstæðna sveitarfélaga.
Í öllum landshlutum eru sveitarfélög þar sem atvinnu- og samfélagsþættir standa ágætlega, miðað við könnun sem gerð var á netinu samfara þessari greiningu. Ísafjarðarbær kemur best út í atvinnu- og samfélagsþáttum af bæjar- og sveitarfélögum á Vestfjörðum, einnig þótt tekið sé mið af upplýsingum úr öllum landshlutum varðandi atvinnu- og samfélagsþætti.
Margir starfsmenn Byggðastofnunar hafa komið að yfirlestri þessarar skýrslu sem ber að þakka, einnig hafa Aðalsteinn Óskarsson framkvæmdastjóri Atvinnuþróunarfélags Vestfjarða og Haraldur A. Haraldsson atvinnuráðgjafi í Vesturbyggð og nágrenni veitt góðar ábendingar.


Skrár

Skrá Stærð Skráartegund Skoða
Vestfirdir-001.pdf 252.4Kb PDF Skoða/Opna

Þetta verk birtist í eftirfarandi flokki:

Skoða fulla færslu

Leita


Fletta